لاریجانی جەنگ ئیران و ئەمریکا وەدویر زانێد

شەفەق نيوز/ جەواد لاریجانی سیاسەتمەدار دیار ئیرانی و سەرکردە لە رەوت ئوسووڵی تونەڕەو، دەسکردن جەنگ ناوەین وڵاتەگەی و ئەمریکا وەدویر زانست.

لە وتاریگ رووژنامەوانی وت: دەسکردن وە جەنگ ناوەین ئەمریکا و ئیران ئەگەڕیگ لاواز مینێدر چوینکە هەر رویوەڕویبوینیگ ماوەی درویژیگ کیشێد وەبی سەرکەفتن لایەنیگ.

وتیش: واشینتۆن خاس زانێد کە نیەوودە لایەن سەرکەفتگ ئەگەر جەنگیگ سەربازی رویدا.

وەگەرد ئەوەیش، عەباس عراقچی وەزیر دەیشت ئیران دووارەی هەڵوێست وڵاتەگەی کرد لەبان پرس ئەتۆمی، دووپاتیش کرد کە تەهران هەر وەردەوام بوود لە کارەیل ئەتۆمی لەبان ئەو زوور و وتارەیل ئەمریکا.

 عراقچی لە وتاریگ ئەرا میدیایەیل ئیرانی، رووژ دووشەممە، وت: هەرچەنیگ هەڵوێستیان دووارەو بکەن، هەڵوێست ئیمە ئاڵشت نیەوود.