لە ئەفغانستانیش مناڵیگ کەفێدە ناو بیر
شەفەق نیوز/ وە هۊردەکاریەیلیگ لە شیوەی یەک کەن، کەلەمەی مناڵە کووچکردگە رەیان لە ئەفغانستان دوارەو بوود، لە دۊای ئەوەگ تەقەلایەیل فرەیگ دریا ئەرا قورتارکردن مناڵەگە حەێدەر ئەفغانی، باوجی چارەنۊسی جۊر مناڵە مەغربیەگە وە مردن کۆتایی هات.
تیمەیل فریادڕەس باس لە سەختی زەۊ ناوچەگە کردن ک منالەگە حەێدەر ئەفغانی لەلی کەفتیەسە ناو بیرەگە، وتیش سرووشت خاکەگەی تەقەلایەیل رزگارکردنەگەیان سەختەو کردیە.
حەێدەر پەنج ساڵان کەفتیەسە ناو بیریگ لە ناوچەی چالداک لە ولایەت زابل لە باشوور ئەفغان، وەکارهێنەریل تووڕەیل کۆمەڵایەتی وێنەیل رزگارکردنەگە بڵاوکردن وەگەرد هاشتاگ (حەێدەر رزگاربکەن).
تەقەلایەلیان سەرنەگرد ئەرا رەسین وە مناڵەگە، تا شەوەکی جومعە.
حەێدەر لە رووژ چوارشەممەی گوزشتە کەفتیەسە ناو بیر تەقەلایەیل رزگارکردنی دەسوەپیکرد وەبی هێچ سوودیگ.
جی باسە، دۊکەیش ١٣ ژن و دۊتیگ لە هیندستان کەفتنە ناو بیریگ، و گشتیان مردن.
