لێدوان فەرمی ئیسرائیل لەبان پەلامارەگەی دیمەشق
2024-04-02T11:56:45+00:00
شەفەق نیوز/ دانیال هاگاری قسەکەر فەرمی سوپای ئیسرائیل، ئمڕوو سێشەممە، ئاشکرا کرد کە ڕووەک لە دیمەشق پەلامار دریا بینایگ سەربازی فەیلەق قودس بویە، نەک قونسوڵخانە یا باڵیۆزخانە.
هاگاری لە قسەیلی ئەرا نوور سی ئێن ئێن وت: ئیران لە شەش مانگ دوایین جەنگ لە ناوچەگە نادەو.
عەلی خامەنائی ریبەر باڵا لە ئیران، ئمڕوو سێشەممە، هەڕەشەی سزادان ئیسرائیل دا لەبان پەلامارەگەی باڵیۆزخانەی ئیران له دیمەشق، کە بویە هوکار کوشیان فەرماندەیلیگ سەربازی ناودیار لە سوپای پاسداران.
خامەنائی لە بەیاننامەیگ وت: ئەوەسا زایۆنیزم لەبان پەلامارەگەی بەش قونسوڵخانە لە باڵیۆزخانەی ئیران لە دیمەشق پەشیمانەو بوون، و ئەوەسا وەدەس پیاوەیلمان سزا دریەن.
دویەکە دووشەممە، ئیسرائیل گورزەیلیگ وەبان نوێنەرایەتی ئیران لە دیمەشق وەشان، کە بویە هوکار کوشیان دیبلۆماسکار و فەرماندەیلیگ لە سوپای پاسداران ئیران.
