كوشیان ٥ سەرباز سووری وە گورزیگ ئیسرائیل لە ئاوای دیمەشق

شەفەق نیوز/ ئاژانس خەوەری فەرمی سوریا "سانا"، ئمڕوو جمعە، خەوەردا لە کوشیان پەنج سەرباز سووری وە گورزیگ ئیسرائیل وەبان سەربازگەیگ لە دەورگرد دیمەشق نزیک سنوور سوریا و لوبنان.

ئاژانسەگە لە زوان سەرچەوەیگ سەربازی وت: سوپای ئیسرائیل نزیک ساعەت 1:35 شەفەق جمعە، گورزیگ وەبان سەربازگەیگ لە ئاوای دیمەشق وەشان، بویە هوکار کوشیان پەنج سەرباز و زەخمداری سەربازیگ ترەنک.

سوپای ئیسرائیل هویچ دەنگیگ لەبان ئەو پەلامارە نەکرد.

رووژ پەنجشەممە، مەرز سنووری مەتریا ناوەین خاک سوریا و لوبنان، کەفتە وەر گورزیگ کە سوپای ئیسرائیل وت: ئەرا ریگریکردن لە هاوردن کەرەستەیل جەنگ ئەرا حزبولڵا کردیەسەی، و تەلەفزیۆن سووریا وت؛ بویە هوکار زەخمداری ٨ کەس.