قونسوڵخانەی ئەڵمانیا لە کیێڤ کەفێدە وەر گورزیگ رووسی
شەفەق نیوز/ وەزارەت دەرەوەی ئەڵمانیا، ئمڕوو دووشەممە، راگەیان؛ ئەو بینا ک قونسوڵخانەی ئەڵمانیا لە کیێڤ پایتەخت ئۆکرانیا هاناوی کەفتە وەر مووشەک ڕووسیا.
بڕیگ لە مووشەکەیل دانە ناوڕاس کیێڤ لە وەخت زوییگ شەوەکی ئمڕوو دووشەممە، وەگەرد توومارکردن یەکەمین تەقینەوەیل لە یاریگایگ و لە نزیک زانکۆی نیشتمانی کیێڤ.
وەشیوەیگ جیا، لە خود باوەتەگە، قسەکەر وەزارەت وەرگری وت: ئەڵمانیا مەزەنە کەێد سیستەم وەرگری ئاسمانی وەیزویە بەێدە ئۆکرانیا، و سێ سیستەمتر لە ساڵ ئایندە، وەبی ئاشکراکردن خشتەی ماوەگەی، و کوشیان هەشت کەس لەلای کەمەو لەو گورزەیلە توومار کریا، باوجی مەزەنە کریەێد شمارەگە لەوە فرەتر بوود.
لەلای خوەییش، وەزارەت وەرگری رووسیا راگەیان ک گورزەیلی ئەرا چەن ناوچەیگ لە ئۆکرانیا رەسینە ئامانج خوەیان، دویای ئەوە ک وەرپرسەیلیگ لە ئۆکرانیا وتن: دامودەزگایل وزە وئاو پەکیان کەفت.
