قورتاربوین سەرۆک ئەنجومەن سەروەری سودان عەبدولفەتاح بورهان لە تەقەلایگ تیرۆرکردن وە درۆن
2024-07-31T08:56:05+00:00
شەفەق نیوز/ فەرماندەیی گشتی هێزە چەکدارەیل سودان، ئمڕوو چوارشەممە راگەیان دژە مووشەکەیل زەمینیان، جواو دوو درۆن دانە کە شوین ئاهەنگ دەرچگن چینیگ لە کۆلێژ جەنگاوەری ئاسمانی و زەوی کردیەسە ئامانج لە دەریای سوور لە باکوور خوەرهەڵات سودان.
نویسینگەی قسەکەر فەرمی وەناو هێزە چەکدارەیل لە بەیاننامەیگ کە ئمڕوو وەبان پێگەی "فەیسبوک" بڵاویکرد وت: " رویداوەگە بویەسە هووکار شەهیدبوین 5 کەس و زەخمداریبوین سوکیگ شمارەیگ کەس".
لە بەیاننامەیگ وەرین سووپای سوودانی خەوەردا، سەرۆک ئەنجومەن سەروەری، فەرماندەی گشتی هێزە چەکدارەیل، تیپ یەکەم روکن عەبدولفەتاح بورهان، شایەتحال دەرچگن وەجبەی ٦٨ کۆلێژ سەربازی بویە، ئەرا وەجبەیل ٢٠ و ٢٣ی کۆلێژ ئاسمانی و ئەکادیمیای دەریایی، لە بازیگای پەیمانگای پیادە لە شار جەبەت لە ویلایەت دەریای سوور.
