قەیران کەشوهەوا پەرچەم سوور بەرزەو کەێد

 شەفەق نیوز/ توێژینەوەیگ لەلایەن ئیدارەی نیشتمانی ئەمریکا ئەرا زەریایەیل و تووکڵ زەۊ، مەزەنە کرد ئاستەیل ئاو دەریا لە دەورگرد ئەمریکا ئەرا ٣٠ سانتیمەتر وەماوەی سی ساڵ ئایندە بەرزەو بوود،  ئەوەیش لەوەر ئاڵشتبۊن کەشوهەوا.  

تۊژینەوەگە مەزەنە کرد ک ئاست ئاو دەریایل کناراوەیل ئەمریکا لە ٢٥ تا ٣٠ سانتیمەتر تا ساڵ ٢٠٥٠ برزەو بوود.  

وەگەرد زیابۊن تەکان ئاوەگە لەوەر رەشەبا ک کناراوەیل نوقم کەن، زیایبۊن ئاست ئاو دەریا هیلێد لافاوەیل زیای بوون. 

خانمە وەڕیەوبەر بەش زەریا لە ئیدارەی نیشتمانی ئەمریکا نیکۆل لوبۆف وت: ئەوەسا لافاوە تونەیل وەماوەی ٣٠ ساڵ ئایندە ئەرا ١٠ قاتی زیای بۊن.  

وتیش: تۊنم وە گشت بڕواییگ وەپیدان بۊشم ک یە ئەو ئاڵشتبۊنە نییە ک هووکارەی بۊمنە.