فەرەنسا.. دەنگدەرەیل لە هەڵوژاردن وەرجەوەختەی یاسادانان دەنگ خوەیان دەن
بنکەیل دەنگدان ساعەت شەش شەوەکی (٩ی شەوەکی وەوەخت عراق) دەرەیلیان واز کردن و ساعەت چوار دویای نیمەڕو (٧ ئیوارە وەوەخت عراق) لە ناوچە و شارە بوبچگەیل بەسیەن، لە وەختیگ لە شارە گەورەیل ساعەت شەش ئیوارە (٩ی ئیدارەی عراق) دەرەیلیان بەسن.
بڕیارە یەکەم راپرسیی دەنگدەرەیل دویای دەرچینیان لە بنکەیل دەنگدان بڵاو بکریەێد، چەوەڕیەیل تایبەت وە کورسییەیل خول دویەم یەکلاوەکەر دویای هەفتەیگ تیەێد.
بەڵام هاتێ سیستەم هەڵوژاردن سەخت بوود ئەرا مەزەنەکردن بەشەوبوین کورسییەیل ئەنجومەن نیشتمانی کە ٥٧٧ کورسییە، و تا ئەنجام کۆتایی دەنگدان لە ٧ تەمموز دیار دەێد.
لە لاییگ ترەک، راپرسییەیل نشان دەن کە پارت گردەوبوین نیشتمانی وە جیاوازییگ ئاسوودەیی وە ریژەی ٣٣-٣٦ دەنگەیل کەفتیەسە نوا، هاوپەیمان بەرەی جەماوەری نوو چەپ کە وە پەلە دروس کریاس وە ریژەی ٢٨-٣١% لە پلەی دویەم هاتگە، لە وەختیگ هاوپەیمان ماکرۆن لە پلەی دویەمە، و ئەوانەگ سەر وە بزووتنەوە ناوەندگەرایین وە ریژەی ٢٠-٢٣%.
فرەی ناوچەیل هەڵوژاردن خول دویەم خوازن کە گشت ئەو کاندیدەیلە لەخوەی بگرێد، کە لە خول یەکەم دەنگ لەلای کەمەو لەسەدا ١٢.٥ دەنگدەرەیل وەرگردنە و هەرکەسیگ فرەترین دەنگ وەدەس بارێد سەرکەفتن بوودە بەشی.
ئیمانوێل ماکرۆن سەرۆک فەرەنسا وڵاتەگەی سەرسام کرد هەناێ داوای هەڵوژاردن وەرجەوەختە کرد، دویای ئەوەگ پارت گردەوبوین نیشتمانی وە سەرۆکایەتی مارین لۆپێن هاوپەیمان ناوەندگەرایی ماکرۆن لە هەڵوژاردن ئەوروپا لەی مانگە تلان.
پارت گوماناوی و دژە کووچبەری لۆپێن لە زویەو نەفرەت لەلی کریاس، بەڵام ئیسە لە جاران لە دەسەڵات نزیکترەو بویە.
لۆپێن لە رووژ چوارشەممەی گوزەشتە لە دیداریگ رووژنامەوانی وت: “وە فرەیی رەها سەرکەفیمن”، مەزەنە کرد جۆردن باردێلای شاگردی، تەمەن ٢٨ ساڵ، بوودە سەرۆک وەزیرەیل.
