عراق هالە پلەی شەشەم لە خوەشحاڵترین وڵاتەیل خوەرهەڵات ناوڕاس ٢٠٢١
شەفەق نیوز/ عراق کەفتە پلەی شەشەم لە لیست خوەشحاڵترین دەوڵەتەیل خوەرهەڵات ناوڕاس ٢٠٢١ وەگوردی گۆڤار (گلوبال فاینانس).
گۆڤارەگە وت: پشت وە بنەمای راپۆرت نەتەوە یەکگرتگریل دەربارەی خوەشحاڵی لە خوەرهەڵات ناوڕاس ئەرا ساڵ ٢٠٢١ بەساگە، و ئاژانس شەفەق نیوز چەودێریی کرد، ک ئەو کەسەیلەگ لە خوەرهەڵات ناوڕاس گوزەران کەن یا فرە خوەشحاڵن یا حاڵیان فرە ناخوەشە.
وتیش: راپۆرت خوەشحاڵی جهانی ئەرا ساڵ ٢٠٢١ ، لە یەک لا وینەی توندڕەوی لە ناوچەی خوەرهەڵات ناوڕاس کیشێد، و لەلاییگ تر بەشیگ لە دەوڵەتەیل فرە دەوڵەمەنن، و بەشیگ فرە حاڵیان ناخوەشە تا رادەیگ ک خریاسە ژیر لیستەگە (یەمەن) یا هەر لەناو لیستەگە نیە (سوریا).
وتیش: شایەت جەنگ خوەی خراوترین کارە لەبان خوەشحاڵی مرۆڤ، و دیاری کرد ک داراییش خوەی خاوەن خوەشحاڵی نییە، ک وەگەرد داهاتیش پاڵپشتی کۆمەڵایەتی لە وەخت خوازین، و ناوڕاس تەمەن تەندروسی، و نەمان گەندەڵی لە حکومەت، و ئازادی پەسەنکردن ژیان و خانەدانی وەرانوەر ئەواکان خوەی ئەو ئاڵشتبویە سەرەکیەیلەسە ک تۆێژینەوەکارەیل لە تووڕ چارەسەری وەردەوام سەروە نەتەوە یەکگرتگەیل لە راپۆرتەیلیان وەکاری تیارن تا نشان رازیبوین لە ژیان بیەن.
راپۆرتەگە نشان دا ک عراق لە پلەی شەشەم لەناو خوەشحاڵترین دەوڵەتەیل خوەرهەڵات ناوڕاس هاتگە، و لە پلەی ١١١ لە ئاست جهان، و ئیسرائیل لە پلەی یەکەم هات، ئیجا بەحرەین لە پلەی دوویەم، وئیجا ئیمارات، و سعودیە چوارەم، وکوەیت پەنجەم.
وتیش: ئیران لە پلەی هەفتەم هات لە پشت عراق، و لوبنان کەفتە پلەی هەیشتەم، ئیجا فەلەستین، و ئوردن کەفتە پلەی دەهەم، ودویاترینیان یەمەن بوی.
