عراق هالە دەیشت لیستەگە...دەوڵەمەنترین 100 وڵات لە جەهان
رووژنامەگە لە ڕاپۆرتیگ ک ئاژانس شەفەق نیوز دیەسەێ راگەیانیە، جەم ئەو کالا و خزمەتگوزاریەیلە ک وڵاتیگ بەرهەمی هاوردیە لەماوەی یک ساڵ، رەسیمنە ئەو ئەنجامە دەوڵەمەنترین وڵاتەیل ئەو وڵاتانەیلەن زیاترین بەرهەم ناوخوەیی دیرن وە گشتی وڵاتەیەکگرتگەیل و چین و یابان و ئەڵمانیاس.
وتیش" بەرهەم ناوخوەی ئەرا هەر تاکیگ و رێژەی ئەوزەڵکردن خەوەر وەپیمان دەێد لە ئەو سەروەت کۆمەڵایەتیە ک هەڵیگردیە ک ها وەردەس هەر کەسیگ ئی سەروەتە ئایا وەپای رەدبوین وەخت زیای و کەم کەێد".
دیاریکردیە، بەرزترین بەرهەم ناوخوەیی سەرتاسەر لە گروپیگ ک ١٠٠ وڵات گردیەسە خوەی ئەرا ئێرلەندا بویە وە ١٤٥ هەزار و ١٩٦ دۆلار، دویایی لۆکسمبۆرگ پلەی دویەم وەدەسهاوردیە وە ١٤٢ هەزار وە ٤٩٠ دۆلار، دویایش سەنگافورە پلەی سێیەم وەدەسهاوردیە وە ١٣٣ هەزار و ٨٩٥ دۆلار، دویایش قەتەر پلەی چوارەم وەدەسهاوردیە وە ١٢٤ هەزار و ٨٤٨ دۆلار، دویایش ماکاو پلەی پەنجەم وەدەسهاوردیە ئیدارەی تایبەت وە بڕ 89 هەزار و 558 دۆلار، ئیجا ئیمارات وە 88 هەزار و 221 دۆلار پلەی شەشەم وەدەسهاوردیە و سویسرا وە 87 هەزار و 963 دۆلار پلەی هەفتەم وەدەسهاوردیە.
لە گۆڤارەگە هاتییە، نەرویج وە ٨٢ هەزار و ٦٥٥ دۆلار پلەی هەشتەم وەدەسهاوردیە، ئیجا ویلایەتە یەکگرتگەیل ئەمریکا وە ٨٠ هەزار و ٠٣٥ دۆلار پلەی نۆهەم وەدەسهاوردیە، سان مارینۆش وە ٧٨ هەزار و ٩٢٦ دۆلار پلەی دەیەم کەفتیەسە بەشی.
