شماره‌ى قوربانيه‌يل ڤايرۆس " كۆرۆنا" به‌رزتره‌و بوێ
2020-02-07T08:02:36+00:00
شه‌فه‌ق نيوز/ ده‌سڵاته‌يل ته‌ندروستى چينى، ئاشكراى به‌رزه‌وبوين حاڵه‌ته‌يل گيان له‌ده‌سداين كردن له‌ئه‌نجام تويشهاتن وه ڤايرۆس كۆرۆنا له وڵاته‌گه ئه‌را 618 كه‌س.
له‌ى باوه‌ته‌و، ليژنه‌ى ته‌ندروستى چينى له به‌ياننامه‌يگ وت: شماره‌ى كه‌سه‌يل تويشهاتگ وه ڤايرۆس كۆرۆنا ره‌سيه‌سه 22112 حاڵه‌ت، له‌ناونيانيش 817 له‌ليان له نه‌خوه‌شخانه ده‌رچينه دوياى ئه‌وه‌گ چاره‌سه‌ر وه‌رگرتنه.
جى باسه، زويتر ده‌سڵاته‌يل چينى باس له‌وه كردن ك له‌ناو خاك وڵاته‌گه زياتر له 28000 حاڵه‌ت تويشهاتن وه كۆرۆنا تۆمار كريا، له‌ناونيان 564 حاڵه‌ت مردن، ك زوورميان له شار وۆهان بويه‌و وجوود زياتر له 220 حاڵه‌ت تويشهاتن وه‌ل مردن كه‌سيگ له‌ئه‌نجام هه‌مان ڤايرۆس له 24 ده‌وڵه‌ت له‌ده‌يشت چين.
