شمارەی لەداڵگبوین لە ئیتاڵیا وەرەو ئاستیگ بیوینە داوەزیاس

وەردەوامی داوەزیان ریژەی لەداڵگبوین ئیتاڵیا جویر رەوشیگ نائاسایی نیشتمانیەر کە حکومەتە یەک لە دویای یەکەیل پەیمان دەن کرنحی وەی باوەتە بیەن.

 لە ساڵ گوزەشتە ئیتاڵیا 379 هەزار مناڵ نوو لەداڵگبوی ئەرای بویادە، کە وەچەو ساڵ گوزەشتە وە ریژەی 3.6% و وەچەو بە ساڵ 2008 وە ریژەی 34.2% کەمەو بویەر یەیش دویاترین ساڵە کە وڵاتەگە  زیایبوین شمارەی لەداڵگبوین وەخوی دی، وەگەرد ئەوەیش کەمترین ریژەی زیایبوین لە دویای یەکگردن ئیتاڵیا لە ساڵ ١٨٦١.

ریژەی مناڵبوین ئەرا هەر ژنیگ ئەرا 1.20 مناڵ داوەزیاس لە وەختیگ لە ساڵ 2022، 1.24 مناڵ بویە، یەیش فرە لە خوار ریژەی 2.1 مناڵ بویە کە بایەسە بوود تا دانتشگەیل وە جیگیری بمینن.

 لە ساڵ گوزەشتە لە ئیتاڵیا نزیکەی 661 هەزار گیانلەدەسدان توومار کریاسر کە وە بەراورد وە سێ ساڵ گوزەشتە کەمەو بویە، کە هەمیش وەگەرد پەتای کۆڤید-19 ریژەی مردن وەخوەی دی.

 پەیمانگای نیشتمانی ئامار هەمیش راگەیان، تێکڕای تەمەن تاکیگ لە ساڵ گوزەشتە بازدانیگ وەخوەی دی ئەرا 83.1 ساڵ، کە وە بەراورد وە ساڵ 2022 شەش مانگ زیای کردگە.

هەرچەن لە ساڵ ٢٠٢٣ جیاوازی ناوەین چمارەی مردن و پەیابوین رەسیە ٢٨٢ هەزار کەس، بەڵام بڕ شمارەی دانیشتگەیل ئیتاڵیا تەنیا هەفت هەزار کەم کردگەر و رەسیەسە ٥٨.٩٩ ملیۆن کەس لەتەر هاتنید کووچبەری زیاتر بیانی و گلەوخواردن کووچبەرەیل ئیتاڵی.

 بیگانەیل لە ساڵ ٢٠٢٣ لەسەدا ٨.٩٩ دانیشتگەیل ئیتاڵیا بوین، و ەە بس گشتی ٥.٣ ملیۆن کەس بویە، کە ساڵ لە دویای ساڵ ٣.٢% زیای کردگە،  فرەیان لە باکوور وڵات ژیەن.