سوپای ئیسرائیل کوشتن نەبیل قاووق سەرکردە لە حزبولڵا راگەینێد
شەفەق نیوز/ سوپای ئیسرائیل، ئمڕوو یەکشەممە، کوشتن شێخ نەبیل قاووق ئەندام ئەنجومەن ناوەندی حزبولڵا راگەیان، لە ئەنجام گورزیگ وەبان ناوچەی شباح لە بەیروت پایتەخت لوبنان.
قسەکەر سوپای ئیسرائیل لە بەیاننامەیگ وت: فڕۆکەیل جەنگی ئیسرائیل، دویەشەو پەلاماریگ جیوەجی کردن، و نەبیل قاووق وەرپرس یەکەی ئاسایش و یەکیگ لە ئەندانەیل ئەنجومەن ناوەندی حزبولڵا کوشتن.
بەیاننامەگە وتیش: قاووق نزیک بوی لە ناودیارترین سەرکردەیل ریخریاگ حزبولڵا، و دەسی لەناو پرۆپاگەندە ئەرا پلانەیل دژوە ئیسرائیل بوی لەی رووژەیل دویاییە.
وتیش: قاووق لە هەیشتایل سەدەی گوزەشتە چگە ناو حزبوڵا، و ناوەند ئەزموونەیل سەرەکی لەناو کارەیلی بوی، و وەرجەیە جیگر وەرپرس ناوچەی باشوور بوی، و جیگر سەرۆک ئەنجومەن جیوەجیکار.
بەیاننامەگە دیاری کرد کە قاووق لە چەن بوونیگ لە میدیایل دەرکەفتگە تا لە نوای کۆمەڵگای شیعە جویر نوینەر حزبوڵا نشان بەێد، و وتارەیل سیاسی و سەربازی و ستراتیژی پیشکەش کردیاد.
