سه‌لمان بن عه‌بدولعه‌زيز فه‌رمان گرتن ميريگ سعودێ دا
شه‌فه‌ق نيوز/ شا سه‌لمان بن عه‌بدولعه‌زيز، فه‌رمانيگ گورج ئه‌را گرتن مير سعود بن عه‌بدولعه‌زيز بن مساعد بن سعود بن عه‌بدولعه‌زيز ئال سعود ده‌ركرد وه بوونه‌ێ كاره‌يل چه‌واشه‌كارى و ته‌جاوزه‌يليگ ك ده‌ركه‌فت له گرته‌يگ ڤيديۆيى له ماڵپه‌ڕه‌يل ڤيديۆ و بڵاوكرياێ له‌بان ماڵپه‌ڕ په‌يوه‌نديه‌يل كۆمه‌ڵايه‌تى.
ئه‌و فه‌رمان پاشايه‌تيه ك له‌لايه‌ن ماڵپه‌ڕ خه‌وه‌رێ سعوديه‌و بڵاو كريا، باس له گرتن مير سعود و هه‌ركه‌سيگ وه‌ليا بويه كرد له‌و گرته‌ێ ڤيديۆييه وه ئه‌وه‌گ بايه‌سه سزا بدريه‌ن و په‌يجورێ له‌ليان بكريه‌ێد له گشت تاوانه‌يليگ ك ئه‌نجامێ دانه وه‌ل گووشگرتن له شايه‌تى زه‌ره‌دمه‌نه‌يل و ئه‌وانه‌گگ ده‌سدريژى له‌بانيان كرياگه.
جى باسه، ئه‌و فه‌رمان پاشايه‌تيه ئاماژه وه ئه‌وه‌يش كرد هويچ كام له‌وانه‌گ حوكم شه‌رعى ده‌رهه‌قيان ده‌رچيه ئازاد نه‌كريه‌ن تا حوكم يه‌كلاكه‌ر له‌بانيان ده‌رنه‌چێد له‌وه‌ر ئه‌و ره‌فتاره‌يل ناپه‌سه‌نيانه ك ئه‌نجامى دانه و راسه‌وخۆيش بايه‌سه هه‌واڵه‌يل دادگا بكريه‌ن.
