سه‌رۆك وه‌زيره‌يليگ جوور حاڵه‌ته‌گه‌ێ بۆش له عراق تويش ده‌سدريژى هات
2018-03-12T10:54:00+00:00
شه‌فه‌ق نيوز/ نه‌واز شه‌ريف سه‌رۆك وه‌زيره‌يل وه‌رين پاكستان، تويش ده‌سدريژى وه پێڵاو هات له وه‌خت سازكردن كۆنگره‌يگ له شار لاهور پاكستانى.
له‌ى باوه‌ته‌و، له ماڵپه‌ڕه‌يل په‌يوه‌ندێ كۆمه‌ڵايه‌تى گرته‌يگ ڤيديۆيى بڵاو كريا ك له‌تى ئه‌و له‌حه‌زه ده‌ركه‌فێد ك يه‌كيگ له ئاماده‌بويه‌يل وه پێڵاو ئه‌ياد له شه‌ريف و كاريگ له‌ناكاو بوێ و ترسيش له‌لاى په‌ياكرد.
جى باسه، دوياى ئه‌و كاريشه يه‌كسه‌ر پياوه‌يل ئاسايش هاتنه ناو هۆڵه‌گه‌و ده‌سكردنه ده‌سوه‌شانن له‌و كاربرا ك پێڵاو له شه‌ريف وه‌شان و هووكاره‌يل ره‌ساننيش ئاشكراى كردن ك جيواز نه‌خوه‌شخانه كرياگه.
