سعوديه ره‌تكردنى له دريژكردنه‌وه‌ى ريككه‌فتن ئۆپيك و خوه‌يكيشانه‌وه له‌لى خسته‌دروو
شه‌فه‌ق نيوز/ ئاژانس هه‌واڵه‌يل سعودى له زووان مير عه‌بدولعه‌زيز بن سه‌لمان بن عه‌بدولعه‌زيز وه‌زير وزه ئه‌و هه‌واڵه‌يله خسته‌دروو ك له‌لايه‌ن وه‌زير وزه‌ى روسياوه باس كرياگه له‌باره‌ى ره‌تكردنه‌وه‌ى دريژكردنه‌وه‌ى ريككه‌فتن ئۆپيك و خويكيشانه‌وه‌ى شانشين عه‌ره‌بى سعودى له‌لێ.
يه‌يش له‌وه‌ختيگه مير عه‌بدولعه‌زيز جه‌خت له سياسه‌ت نه‌فتى سعودى كرد ك باس له كاركردن له‌بان هاوسه‌نگه بازاڕه‌يل و سه‌قامگيرى ئه‌كا وه‌و جووره‌گ خزمه‌ت وه به‌رژه‌وه‌ندى به‌رهه‌مهاوه‌ره‌يل و وه‌كاربه‌ره‌يل وه جياجيا بڕه‌سنێد.
سه‌رچه‌وه‌يگيش باس له‌وه كرد دان برۆيليت وه‌زير وزه‌ى ئه‌مريكا ئاگادار وه‌رپرسه‌يل جيوه‌جيكار له دروسكه‌ر نه‌فت كردگه له‌ڕێ په‌يوه‌ندييگ ته‌له‌فۆنييه‌و ك ماڵ چه‌رمگ دانيشتن وه‌ل سعوديه يا روسيا ناكا له‌ياره‌ى ريككه‌فتن ئه‌را داوه‌زانن به‌رهه‌م نه‌فت و ئه‌خوازيد هه‌ردوگلا بڕه‌سنيده ريككه‌فتنيگ له‌ناونى خوه‌يان.
