سعوديه دو كه‌س گه‌ورا له ئه‌ندامه‌يل بنه‌ماڵه‌ى فه‌رمانڕه‌وا ده‌سوه‌سه‌ر كرد
2020-03-07T08:42:02+00:00
شه‌فه‌ق نيوز/ سعوديه دو كه‌س گه‌ورا له ئه‌ندامه‌يل بنه‌ماڵه‌ى فه‌رمانڕه‌وا ده‌سوه‌سه‌ر كرد، يه‌كيگيان مير ئه‌حمه‌د بن عه‌بدولعه‌زيز برا بويچگ شا سه‌لمان و ئه‌واكه‌يش مير محه‌مه‌د بن نايف برارزاى شازاده‌ى سعوى، جوور ئه‌وه‌گ دو سه‌رچه‌وه‌ى ئاگادار باس له‌لى كردن.
سه‌رچه‌وه‌يگ وت: مه‌سه‌له‌ى ده‌سوه‌سه‌ركردنه‌گه دويه‌كه جومعه بويه، وه‌لى هووكار ده‌سوه‌سه‌ركردنيان ئاشكرا نه‌كردگه.
جى باسه، وه‌رپرسه‌يل سعودى يا نويسينگه‌ى ره‌سانن حكومه‌ت سعودى هويچ قسه‌يگ له‌ى باوه‌ته‌و نه‌كردنه‌و هووكار ده‌سوه‌سه‌ركردن ئه‌و هه‌ردوگ ناوبرياگه له ئه‌ندامه‌يل بنه‌ماڵه‌ى فه‌رمانڕه‌وا ئاشكرا نه‌كردنه.
