ئیسرائیل کوشتن یەکیگ لە دیارترین سەرکردەیل وەرخودان راگەینێد لە تۆلکەرەم
شەفەق نیوز/ سوپای ئیسرائیل، ئمڕوو جمعە، کوشتن یەکیگ لە دیارترین سەرکردەیل وەرخودان لە شار تۆلکەرەم باکوور کناراو خوەرئاوا راگەیان.
قسەکەر سوپای ئیسرائیل لە بەیاننامەیگ وت: لە ئۆپراسیۆنیگ هاوبەش لەلایەن سوپای وەرگری و شاباک، وە گورزیگ ئاسمانی ئەو تیرۆرستە وەناو تاریق ئەلدوش کوشت کە یەکیگە لە دیارترین سەرکردەیل تووڕ تیرۆری لە تۆلکەرەم.
وتیش: ئەو کابرا بڕیگ لە ئەندامەیل تیرۆری چەکدار کردیاد، وە سپۆنسەر ئیرانی، لەڕی کەسەیلیگ تیرۆرست لە لوبنان کە پەیوەندی وە بنەماڵەی مقدح دیرن، ئەرا جیوەجیکردن کارەیلیگ تیرۆری وەبان ئامانجەیل ئیسرائیل.
دیاری کرد کە ئەو تووڕ تیرۆریە لە تۆلکەرەم وەرپرسە لە زنجیرەی تەقەکردن لەڕوی هیزەیل وەرگری و پەیمانەیل سەربازی وەگەرد ناوچەیل کەنار پەرژین ئەمنی لە ناوچەی تۆلکەرەم، هەمیش پلان ئەرا پەلامارەیلیگ لەناو زەوی ئیسرائیل دانانە.
قسەکەر سوپای ئیسرائیل هەمیش کوشیان دوسم عوفی راگەیان کە چالاکوان سەربازیە لە تووڕ تیرۆری حەماس لە تۆلکەرەم، وە خود گورزەگە وەگەرد چەن بەدکاریگ ترەک.
