ئیسرائیل گەورەترین سەرکردەی حزبولڵا کوشێد لەوەختیگ جەنگ غەزە دەسوەپی کردگە تا ئیسە

 سەرچەوە لوبنانییەیل بڵاو کردن کە ئەو سەرکردەی کوشیاگە ناوی “ئەبو تالیب” بوبە، سەرۆک یەکەیگ وەناو “نەسر” لە حزبوڵڵا.

 وەگورەی ئەو سەرچەوەیلە، ئەبو تالیب وە باڵاترین وەرپرس حزبوڵای لوبنان دانریەێد کە لە سەرەتای جەنگ ئیسرائیل لەبان غەززە و باشوور لوبنان کوشیاس.

پەلامار ئیسرائیل وەبان ناوچەی جۆیا گردەوبوین بڕیگ سەرکردەی مڕ یەکەم حزبولڵا کردە ئامانج.

 ڕاپۆرتە لوبنانییەیل باس ئەوە کەن کە لەوەر رەوش ئەمنی بڕیار دریاس تاقیکردنەوەیل لە مەکتەوەیل جۆیا ئەرا رووژ پەنجشەممە بخریەێدە دویا.

 لەلای خوەییش سوپای ئیسرائیل راگەیان کە جەنگاوەرەیلی پالامار وەبان باڵەخانەیگ سەربازیی حزبوڵڵا و سەکویگ مووشەکی و ژیرخانی عەیتارون و مەیس ئەلجەبەل کردنەسە ئامانج.

سوپا لە بەیاننامەیگ وت: فڕۆکەیج بێفڕۆکەوان شانەیگ کردە ئامانج کە کاردەکەێد ئەرا وەشیان مووشەک لە دێر ئامس.