ئیسرائیل وە ماوەی 72 ساعەت پەلامار 200 شوین لە غەززە دەێد
شەفەق نيوز/ سوپای ئیسرائیل، ئمڕوو دووشەممە، پەلاماردان 200 ئامانج لە کەرت غەززەی فەلەستین لە ماوەی 72 ساعەت گوزەشتە راگەیان.
سوپای ئیسرائیل لەبان پلاتفۆرم ئێکس وت: ئەو شوینەیلە کە کریانە ئامانج، شوینەیل وەشانن مووشەک و نیشانگردن و ئەمارەیل چەک، و بینایەیلیگ گردەو کە بزووتنەوەی حەماس وەکاریان هاوردن.
سوپای ئیسرائیل دووپات لە کوشتن ئەندامیگ لە حەماس کرد وەناو ئەحمەد مەنسور نە وت ئەندامە لە یەکەی مووشەک، و بەشداری لەو پەلامارە کردگە کە حەماس لە 7 ئۆکتۆبەر لەبان ئیسرائیل جیوەجیی کرد.
وتیش: ژیرخانیەیل بزووتنەوەی حەماس لە ناوچەیل شابورە و تەل سوڵتان و رەفەح ویران کردگە، و حەشارگەی چەک پەیا کریاس کە بومبەیل دەسی و تەقەمەنی و کەرەستەیل سەربازی لەناوی بویە.
رووژ شەممەی گوزەشتە، سوپای ئیسرائیل راگەیان کە نزیکەی 150 شوین لە کەرت غەززە لە کۆتایی هەفتە کردیەسە ئامانج، و دیاری کرد کە شمارەی ئەو ئامانجەیلە کە ویران کریانە رەسیە زیاتر 1,400 ئامانج لەوەختیگ دەسوە ئۆپراسیۆنەیل سەربازی وەبان کەرت غەززە کریاس 18ی ئادار گوزەشتەز.
