ئۆستن: میلیشیایل سەروە ئیران هانە پشت پەلامارداین هیزەیلمان لە عراق
2024-08-07T06:38:07+00:00
شەفەق نیوز/ لوید ئۆستن وەزیر وەرگری ئەمریکا، راگەیان کە ئەمریکا وەخشین نەیرێد وەگەرد هویچ پەلاماریگ وەبان هیزەیلی لە خوەرهەڵات ناوڕاس، ئەوەیش لە دویای زەخمداری هەفت سەرباز ئەمریکی لە پەلاماریگ مووشەکی وەبان سەربازگەی عەین ئەلئەسەد لە عراق.
ئۆستن لە کۆنگرەیگ رووژنامەوانی لە ئەنابولیس وت: وە هەڵە نەچین؛ ئەمریکا وەگەرد هویچ پەلاماریگ وەبان هیزەیلی لە ناوچەگە نیوەخشێد.
لە باوەت پەلامار سەربازگەی عەین ئەلئەسەد، ئۆستن وت: میلیشیایل سەروە ئیران هانە پشت پەلامارەگە.
