ئیسکوتلاندا وە فەرمی ئەرا ریفراندۆم نوویگ لەبان سەروەخوەیی جویلە کەێد
شەفەق نیوز / نیکۆلا ستیرجن خانمە وەزیر یەکەم ئیسکوتلاندا دەسکردە هەڵمە ئەنجامدان دویەم ریفراندۆم ئەرا سەروەخوەیی، و وت: ئیسکوتلاندا ئەوەسا لە دەیشت بەریتانیا کەفێدە ئابوورییگ خاستر.
ستیرجن ک سەرکردایەتی حزب نیشتمانی ئیسکوتلاندا وحکومەت خاوەن مووڵەت لە ئەسکوتلاندا وەڕیەو بەێد وت: ئەوەسا یەکەم کاغەز لەباوەت سەروەخوەیی خەێدە وەردەس.
دانیشتگەیل ئیسکوتلاندا لە ریفراندۆم ساڵ ٢٠١٤ رازی وە سەروەخوەیی نەوین، ک ٥٥ لەسەد لە دەنگدەرەیل وتن خوازیمن لەناو شانشین یەکگرتگ بمینێمن، و ئی ریفراندۆمە حکومەت سەرۆک وەزیرەیل بۆریس جۆنسۆن رازی لەلی نییە ک وت: ئی باوەتە لەو دەندگدانەگە یەکلاوە کریا.
باوی ستیرجن باس ئەوە کەێد ک سیماگە جارانی ئاڵشت بویە، تایبەت ک بەریتانیا لە یەکێتی ئەوروپا دەرچگە، وئەو سیاسەتە فرەی دانیشتگەیل ئیسکوتلاندا لەلی رازی نیین.
ستیرجن ئەرا (بی بی سی) وت: ئەگەر لە ٢٠١٤ بزانستایمن ک بەریتانیا چوین رەفتار کەێد، بی گومان وەنە ئیسکوتلاندا لەو مەوقە دەنگ وە بەڵی لەبان سەروەخوەیی دا.
