پیسکردن قورئان لە وەردەم باڵیۆزخانەی تورکیا لە نیویۆرک
2023-09-09T06:52:03+00:00
شەفەق نیوز/ کابرایگ نەناسریاگ چاپیگ ئینگلیزی لە قورئان پیس کرد، ئەوەیش لە وەردەم باڵیۆزخانەی تورکیا لە نیویۆرک ئەمریکا، وەگورەی قسەی ئاژانس (ئەنادۆڵ).
ئاژانسەگە وتیش: رویداوەگە شەوەکی دویەکە جمعە وە وەخت نیویۆرک بویە، کە کابرایگ چاپیگ لە قورئان فڕە دادە بان زەوی ئیجا وەپا دادە لەی لە وەردەم دەروازەی سەرەکی بینای ماڵ تورکی کە قونسوڵخانەگە هاناوی.
لەپشت ئەوە، فەرمانبەرەیل ئاسایش وەردەم بیناگە دەسدانە وەر تا ئەو کابرا لە وەردەم ماڵ تورکی دویرەو بخەن، تا دەرکەفت کە ئەو کتاوە کە پیسی کردیە چاپیگ ئینگلیزیە لە قورئان.
وەرپرسەیل قونسوڵخانەگە پەیوەندی وە بەش پولیس نیویۆرک و ئاسایش دیبلۆماسی کردن، تا وەی کارە ئاگاداریان بکەن.
