"سەر کوڕ کوورپەی خوەی بڕیە".. دەمەقاڵیگ خیزانی رەسێدە تاوانیگ وەحشیانە لە ئەمریکا

شەفەق نیوز/ لە تاوانیگ وەحشیانە، کابرایگ لە ویلایەت کالیفۆرنیای ئەمریکا سەر کوڕ کوورپەی خوەی بڕیە، دویای دەمەقاڵیگ خیزانی.

پولیس ناوچەی ساکرامنتۆ لە بەیاننامەیگ وت: پولیس لە وەخت زوییگ وەڵام ئاگاداری لە وەردەوەردەیگ خیزانی دان، کە ژنیگ لە دەیشت ماڵ ئاگاداریان کرد کە شویەگەی (ئەندرێه دیمسکی) لە تەمەن ٢٨ ساڵان، دەس لە خوەی و داڵگی وەشانیە.

پولیس چگە ناو ماڵەکە لە ناوچەی ساکرامنتۆ دویای ئەوە کە زانستن پیاوەگە وەگەرد مناڵیگ هانە ناو ماڵەگە، و هەناێ دەسگیری کردن، مناڵەگە وە سەر بڕیاگ لەناو ژوور خەفتن پەیا کردن.

پولیس وتیش: دیمسکی وە چەقوو سەر کوڕە کوورپەگەی بڕیە، دویای دەرچگن ژنەگەی وەرد داڵگی لە ماڵەگە، وەبڕیارە رووژ سێشەممەی ئایندە دادکاری بکریەێد.