سەرۆک ئۆکرانیا داوایگ لە داڵگەیل کەێد
2022-03-12T06:30:53+00:00
شەفەق نیوز/ فولۆدیمێر زیلینسکی سەرۆک ئۆکرانیا، ئمڕوو شەممە، داوا لە داڵگەیل سەربازەیل رووسیا کرد نەیلن کوڕەیلیان ئەرا جەنگ ئۆکرانیا کل بکەن.
زیلینسکی لە پەیامیگ وەڕی تیلیگرام وت: خوازم ئی جارە ئەرا داڵگە رووسیەیلە بۊشم، تایبەت داڵگ سەربازەیل، کوڕەیلدان ئەرا جەنگ لە وڵاتیگ بیگانە کل نەکەن.
وتیش: خاس بزانن ک شۊن کوڕەیلدان کاملاس، و ئەگەر کەمیگ گومان داشتین ک شایەت کوڕەیلدان ئەرا جەنگ ئۆکرانیا کل کەن، وەزۊ کاریگ بکەن تا نیلین بکوشیەن یا بڕفیەن.
