زریان یاگی ١١ کەس لە فیلیپین کوشێد
زریان یاگی وەبان ناوچەی بیکول باشوور خوەرهەلات مانیلای پایتەخت لە شەو شەممە رەد بوی، و مەزەنە کریەێد لە وەختیگ ئایندە ئمڕوو دووشەممە، بیەێدە هشکایی لە کەناراوەیل باکوور خوەرهەڵات دوورگەی سەرەکی لۆزۆن، وەگورەی ئاژانس فرانس پرێس.
ئەرا یەی رووژ مەکتەو ن نویسنگەیل حکومەتی لە مانیلا بەسیا، و خزمەتگوزارییەیل بەلەم لەو ناوچەیلە وسیا و ٢٩ کاروان ئاسمانی لەوەر بەدی کەشوهەوا پویچەڵ کریا.
ئمڕوو دووشەممە، لە ئەنتیبولۆی نزیک پایتەخت سێ کەس وە سڕیان زەوی گیانیان لەدەسدان.
وتیش: تەرم چوار کەس ترەک لە سێ ناوچەی تراک لە ناوچەی کویە دراوریا کە وە خنکیان گیانیان لەدەسدان.
شار ناگا لە بیکول هەمیش ئەرا ئاست کەورەیگ کەفتە کاریگەری، کە پیاییگ وە کارەبا گیانی لەدەسدا، هەناێ ئاو لافاوەیل بەرزەو بوی، و دویەتیگ کوورپە خنکیا.
جۆشوا توازون لە نویسنگەی بیوەیی گشتی لە شارەگە ئەرا فرانس پرێس وت: ئاو لافاوەیل رەسیە ئاست بەرزیگ لە چەن ناوچەیگ، و سەدان کەس رزگار کریان.
زیاتر لە ٣٠٠ کەسیش لەناو کەمپەیل مەنن، کە وەرپرسەیل وتن: داوەزیان ئاو لافاوەیل یەواش بوی.
