زەویلەرزەیگ وەتونی 7.6 پلە دەێد لە باشوور فیلیپین و ئاگاداری لە "تسونامي"
شەفەق نيوز- مانيلا
پەیمانگای زانست گڕکان و زەویلەرزەی فیلیپین، راگەیان کە زەویلەرزەیگ وەتونی 7.6 پلە، ئمڕوو جمعە، داد لە باشوور وڵاتەگە، و ئاگاداری دەرکرد لە ئەگەر رویداون تسونامی.
پەیمانگاگە ئاگاداری دا لە ئەکرد زەرەدەیل و دویاکەفتگەیل دویای زەویلەرزەگە، کە سەنتەری لە وەرانوەر ناوچەی مانای بویە لە دافاو ئۆرينتال لە ناوچەی مينداناو، وەگورەی رۆیتەرز.
دیاری کرد کە زەویلەرزەگە وەقویلی 10 کیلۆمەتر بویە، و هیچ راپۆرتیگ لەبان کەفتن زەرد نەڕەسیە.
هەمیش تەمەی خەڵک شارەیل کناراوی کرد وەکوتپڕ وەرەو ناوچەیە بەرزیگ بچن، و لە کناراوەیل دویرەو بکەفن.
وتیش: مەزەنە کریەێد لە ماوەی دوو ساعەت ئایندە شەپوول ئەرا زیاتر لە یەک متر بەرزەو بوود.
جی باسە کە ناوەند ئەوروپی ناوڕاس ئەرا روانگەکردن زەویلەرزەیل وت: زەویلەرزەگە رەسیە 7.4 پلە لەبان پەیمانەی ریختەر، وەقویلی 58 کیلۆمەتر.
سیستەم ئاگادارکردن لە تسونامی ئەمریکی، هوشداری لە ئەگەر رویداون تسونامی رخباریگ لەبان کناراوەیل تا مەودای 300 کیلۆمەتر لە سەنتەر زەویلەرزەگە.
