زەویلەرزەی 5.9 پلەیی دەێد لە شارەیلیگ پاکستانی
شەفەق نيوز/ دەسەڵاتەیل پاکستان، ئمڕوو شەممە، خەوەردان کە زەویلەرزەیگ وەتونی 5.9 پلە لەبان پەیمانەی ریختەر، داد لە چەن شاریگ لە باکوور پاکستان، وەبی رەسین خەوەر لە زەخمداری و زەرەدەیل.
ناوەند زەویلەرزەناسی نیشتمانی لە پاکستان وت: سەنتەر زەویلەرزەگە لە ناوچەی سنووری ناوەین ئەفغانستان و تاجیکستان بویە، وەقویلی 94 کیلۆمەتر.
دیاری کرد کە لە ساعەت 11:48 شەوەکی وە وەخت ناوخؤيي، دەنگ زەویلەرزە رەسیە چەن شاریگ لەناویان ئیسلام ئاباد پایتەخت.
وەگورەی ئاژانس خەوەری پاکستان، مەردمەگە وەزیڕە لەوەر زەویلەرزەگە لە ماڵەو دەرچگن وە خوەنستن ئایەتەیل قورئان، دیاری کرد کە ئاگادار وە هویچ زەرەدیگ گیانی یا ماڵداری لە هویچ بەشیگ لە وڵاتەگە تا ئیسە نەڕەسیە.
لە ساڵ 2005، وڵاتەگە تويش زەویلەرزەی كشمير هات کە رەسیە 7.6 پلە لەبان پەیمانەی ریختەر، و بویە هوکار کوشیان زیاتر لە 86 هەزار کەس، لە یەکیگ لە زیاترین زەویلەرزە ویرانکەرەیل لە میژوو پاکستان.
لە ساڵ 2013، زەویلەرزەیگ وەتونی 7.7 پلە داد لە باشوور خوەرئاوای بلوشستان، کە بویە هوکار کوشیان زیاتر لە 800 کەس و ویرانکردن ئاوایەیلیگ وە تەواوی.
