زەخمداری ئاخونیگ وە پەلاماریگ چەکدار لەناوڕاس ئیران

شەفەق نیوز/ میدیایل راگەیانن ئیرانی، ئمڕوو شەممە، ئاشکرای، زەخمداربوین ئاخونیگ وە پلەی (حوجەتولئیسلام) کرد وە پەلاماریگ چەکدار لەناوڕاس وڵاتەگە.   

ئاژانس فرانس برس لە زوان تەلەڤزیۆن ئیرانی وت: رانندەی ماتورسکڵیگ تەقە لە حوجەتولئیسلام موحسن ئیخوان کرد، ک ئیمام مزگەفتیگە لە باکوور ئەسفەهان،  وزەخمدار بوی.  

تەلەڤزیۆن ئیرانی وتیش: موحسن ئیخوان لە نماز شەوەکی وەرەو ماڵ خوەی گلەو خوارد، وکەفتە وەر پەلاماریگ، باوجی زەخمەگەی سەخت نییە، و هاندان پەلامارەگە نەزانیایە.  

لە سەرەتای مانگ نیسان گوزەشتە، کابرایگ سونی تونەڕەو لە بنچینەی "ئۆزبەکی" دوو ئاخون شیعە وە چەقوو لە مەشهەد کوشت ویەکیگیش زەخمدار کرد، و بکوشەگە لە ٢٠ حوزەیران دریا سێدارە.