روسيا گرفت خسته بڕياريگ ناونه‌ته‌وه‌يى دژ پرووسه‌يل سه‌ربازێ توركى
شه‌فه‌ق نيوز/ روسيا گرفت خسته ده‌ركردن به‌ياننامه‌يگ هاوبه‌ش له ئه‌نجومه‌ن ئاسايش ناوده‌وڵه‌تى، ك داواكارێ ئه‌را وساننه‌وه‌ى پرووسه‌يل سه‌ربازێ توركى له باكوور سوريا ئه‌گرێده خوه‌ێ.
ئه‌و گرفتيشه له دانيشتن ئه‌نجومه‌ن ئاسايش ناوده‌وڵه‌تى هات ك وه داواكارێ وڵاته‌يل يه‌كگرتگ ساز كريا ئه‌را تاووتوێكردن مه‌سه‌له‌ى ده‌ركردن به‌ياننامه‌يگ ك له‌تى داواى وسانن پرووسه‌ى سه‌ربازێ و لاوردن مه‌ترسيه‌يل ئه‌منى توركى ئه‌كريه‌ێد وه شيوازه‌يل دبلۆماسى.
جى باسه، ئه‌نجومه‌ن ئاسايش ناوده‌وڵه‌تى له‌وه‌خت ده‌ركردن به‌ياننامه‌ێ هاوبه‌ش، بايه‌سه ره‌زامه‌نى گشت ئه‌ندامه‌يلى وه‌ربگرێد ك شماره‌يان 15 ئه‌ندامه، وه‌تايبه‌ت له‌بان ئه‌و پرووژه ك له‌لايه‌ن واشنتۆنه‌و پيشكه‌ش كريا ئه‌را ئه‌ندامه‌يل ئه‌نجومه‌ن ئاسايش له‌باره‌ى نگه‌رانيه‌يل پرووسه‌ى سه‌ربازێ توركى و هاوردنه‌وه‌ى په‌نابه‌ره‌يل سوورى ئه‌را وڵاته‌گه‌يان وه‌شيوه‌يگ ئه‌مان و له‌تى داوايش له لايه‌نه‌يل كرد مقه‌يه‌تى له هاووڵاتيه‌يل مه‌ده‌نى بكريه‌ێد.
