روسيا داوا له ئه‌مريكا ئه‌كا واز له پلانه‌يلێ بارێد له‌باره‌ێ سوريا
شه‌فه‌ق نيوز/ باڵوێزخانه‌ى روسى له وڵاته‌يل يه‌كگرتگ، ئاشكراى ئه‌وه كرد ك مۆسكۆ جاريگتر داوا له واشنتۆن كردگه واز له پلانه‌يل ناوه‌رپرسانه بارێد له‌باره‌ێ سوريا ك ئامانج له‌لى گرژه‌وكردن كيشمه‌كيشه‌يله.
باڵوێزخانه‌ى روسى له به‌ياننامه‌يگ وت: ئيمه وه‌رجه چه‌ن رووژيگ وشدارى دايمنه‌سه واشنتۆن ئه‌را ده‌سهه‌ڵگرتن له پلانه‌يلێ له سوريا له‌باره‌ى كرده‌وه‌يگ تر ك ئه‌ويش ئستفزازكردن چه‌كداره‌يله ئه‌را وه‌كاربردن چه‌ك كيمياوى دژ مه‌ردم مه‌ده‌نى وه‌خاتر جيوه‌جيكردن بوردمان له‌بان ديمشق.
جى باسه، به‌ياننامه‌گه هه‌ميش وت: هه‌ڕه‌شه‌يل هه‌ميشه‌يى وڵاته‌يل يه‌كگرتگ جى نگه‌رانيه وه‌تايبه‌ت له‌لاى نه‌ته‌وه‌يل يه‌كگرتگ ئه‌را ئيچنه كاره‌يليگ و گرژه‌وكردن بارودوخه‌گه‌و هه‌ر وه‌و خاتريشه جاريگتر داوا له واشنتۆن ئه‌كه‌يم واز له لێدوان و پلانه‌يل ناوه‌رپرسانه بارێد ك شايه‌ت بدێده هووكار كيشمه‌كيش و ئاقبه‌تى خاس نه‌دێ.
