رویداویگ کە ٦٠٠ ساڵ جاریگ چەوەڕی کریەێد.. پەیوەندی ناوەین "گەرمبوین جەهان" و کارەسات لیبیا چەس؟
زانایل پڕۆژەی "وورڵد ويذار ئەتريبيوشن"، کە هاوکار توێژینەوەی ناودەوڵەتییە و کار کەێد ئەرا دیاریکردن ئاست کاریگەری ئاڵشتبوین کەشوهەوا لە رویداوە تایبەتەیل کەشوهەوا، ئویشن: "ئاڵشتبوین کەشوهەوا بویەسە مدوو ئەوە کە ئاست واران لەو ماوە زیاتر لە سەد ٥٠ زیای بکەێد"، وەگورەی ئاژانس رۆیتەرز.
زانایل هزشداری دانە کە وەگەرد زوور ئاڵشتبوین کەشوهەوا ئەرا ئاست نوویگ، دروسکردن ماڵ لە ریڕەو لافاو، یا وەکارهاوردن کەرەستەی ناستاندارد لە بیناسازی رخبەرە.
زانایل لە بەیاننامەیگ نویساننە: ئەو واران رفتە کە وە مدوو ئاڵشتبوین کەشوهەوا خراوترەو بویە، بویەسە مدوو واران تونیگ لە لیبیا، توێژەرەیل لە ھاوشیوەکردن شیوەی کەشوهەوا وەکار هاوردن ئەرا بەراوردکردن رویداوەیل کەشوهەوای ئمڕوو وەو شیوە کە ئەگەر پلەی گەرمی ئەوسا ١.٢ پلەی سەدی بەرز نەویە وەرجە شوڕش پیشەسازی.
وتنیش: ئاڵشتبوین کەشوهەوا واران زیای کەێد و ناڕێکی دروس کەێد، کەشوهەوای گەرمتر توەنێد هەڵم ئاوی زیاتر بگرێد، یەیش بوودە مدوو زیایبوینی تەڕی کە دی ئەورەیل نیەتوەنن هەڵی بگرن و واران وارێد.
لێکۆڵینەوەی زانایل دەرخستنە کە ئەو زریانە هیشتیە رێژەی واران وە زیاتر لە 50% زیاتر بوود لەوەگ ئەگەر گەرمبوین زەوی نەویاتاد.
رایاگەیانن کە لە ژیر رووشنایی کەشوهەوای ئیسە توەنریەێد لە ٣٠٠ تا ٦٠٠ ساڵ جاریگ رویداویگ لەیجویرە چەوەڕی بکریەێد.
