رممەی تەقینەوەیگ لە دەورگرد دیمەشق و گورزەیل نوویگ لە باشوور بەیروت

شەفەق نیوز/ میدیایل راگەیانن، ئمڕوو یەکشەممە، خەوەردان کە فڕۆکەوانی ئیسرائیل گورز نوویگ وەبان زاحیەی باشوور بەیروت جیوەجی کرد، کە سوپای ئیسرائیل دووپات کرد کە پەلامار هویردیگ لە ناوچەگە جیوەجی کرد.

ئێزگەی سوپای ئیسرائیل لە زوان سەرچەوەیگ سەربازی وت: پەلامارەگە کوشتن سەرکردەیگ لە حزبولڵا کردە ئامانج، وتیش: خوازن چارەنویسی بزانن.

لەلای خوەییش؛ ئاژانس ئار تی رووسی خەوەردا لە کوشیان سێ کەس و زەخمداری کەسیگ ترەک لە ئەنجام گورزیگ ئیسرائیل وەبان بینایگ لە ناوچەی غبیری لە زاحیەی باشوور.

لەلاییگ ترەک، میدیایل راگەیانن سوریا ئاشکرای دەنگ رممەی تەقینەوەیگ لە دەورگرد دیمەشق پایتەخت کردن. 

وتن: ئەو دەنگ رممە لە دەورگرد دیمەشق لە نواگیریکردن وەرگری ئاسمانی سوریا بویە ئەرا دڕۆنەیلیگ نزیک سنوور وەگەرد لوبنان، و هویچ تەقینەوەیگ نییە.