رمیان بەنداویگ "گەپ" لە ئۆکرانیا… و هووشداری لە کارەساتیگ
ئاژانس هەواڵی رووسی "تاس" لە زوان سەرچەوەیگ وت: بەنداو نۆڤا کاخۆڤا رمیاگە و وتیش: "شەوەگە کپ و بیدەنگ بویە و هویچ پەلاماریگ ئاسمانی لەبان بەنداوەگە وەشەو نەویە".
لای خوەییش سەرۆک شارەوانی نۆڤا کاخۆڤکا ک لەلایەن مۆسکۆ دانریاگە وت: بەش بانین بەنداوەگە لە ئەنجام بومبواران ویران بویە، وەگورەی ئاژانس رۆیتەرز، هاووەخت ئاژانس "تاس" رووسی لە زوان وەرپرسیگ رووسی لە ناوچەی زاپۆریژیا وتیە "تا ئیسە هویچ رخیگ گەورە لەبان ویستگەی ئەتۆمی زاپۆریژیا لە ئەنجام رمیان بەنداو نۆڤا کاخۆڤکاوە نییە."
لە وەرانەوەر ئەوە، فەرماندەیی باشوور هیزە چەکدارەیل ئۆکرانیا، ئمڕوو سێشەممە، راگەیان ک هیزەیل رووسیا بەنداو نۆڤا کاخۆڤکایان لە خێرسۆن تەقانیە، و لە پەیج تایبەتی خوەی لە تووڕ کۆمەڵایەتی فەیسبووک وت: بڕ ئەو ویرانیە دیاری کریەێد، و ئەو ناوچەیلە ک هاتێ لافاو وەپیان بڕەسێد دیاری کەیمن.
