رمیان 50 ماڵ لەوەر واران رفتیگ لە باکوور سودان
وەلایگیش، ماڵپەر "سودان تەربیون" لە زوانی هێزەیل وەرگیری شارستانی ولایەت نەهر نیل باکوور سودان راگەیان، واران رفتیگ شارەیل عەتبەرە و ئەلدامر گردیەسەو بویە مدوو مردن 4 کەس و زەخمداری کەسیلتر، هەمیش رێژەی چەم دندر وەرزی لە ولایەت سنار باشوور خوەرهەڵات وڵاتەگە هەڕەشە دروسکردیە لەبان زەوی کشاوەرزی و نیشتەجیبوینەیل.
دیاریکرد شارەیل عەتبەرە و دامر واران رفتیگ وەخوەیان دین کە وای تونیگ وەگەردیان بوی تەواو شەو دووشەممە وەردەوام بوی.
وەڕیوبەر هێزەیل وەرگیری شارستانی لە ولایەتەگە عەقید عەبدولا سلێمان راگەیان، وارانەگە بویەسە هووکار رمیان ماڵەیلە لە بەقشلاق جێش لە عەتبەرە و بویەسە مدوو مردن ژنیگ و سێ مناڵ و دووپاتیشکرد تەرمەیلیان درواریایە و ئاوەگەش لەماڵیان کیشیاسەو.
هەمیش واران لە شار دامر بویە هووکار رمیان ماڵیگ لە کویچەی حلەی نوو بویە هووکار مردن مناڵیگ و فریادرەسین مناڵیگتر.
دووپاتکرد هێزەیل وەرگیری شارستانی ئیرنگە ئاو لەناو وێستگەی کارەبای عەتبرە دەرکەن لەدویای ئەوەگ نقوم ئاو بوی.
سەرچەوە:RT+ راگەیانن سوودان
