ئەرجەنتین داوای دەسگیرکردن جیگر سەرۆک ئیران لە قەتەر کەێد
2022-10-18T08:03:18+00:00
شەفەق نیوز/ دەسەڵاتەیل ئەرجەنتین، ئمڕوو سێشەممە، داوا لە دەسەڵاتەیل قەتەر کردن دەسگیر موحسن رزائی بکەن ک ئیسە سەردان دۆحە کەێد، ئەوەیش لەدویای بەشداریکردنی لە تەقینەوەیگ رەسیە بنکەیگ یەهودی لەساڵ ١٩٩٤.
موحسن رەزائی، جیگر سەرۆک ئیران ئەرا کاروبار ئابووری، لەلایەن بانگەشەکارەیل تایبەت لە ئەرجەنتین داوا کریاگە، لەوەر گومانیگ لە بەشداریکردنی لە پلاندانان ئەرا ئەو تەقینەوە ک لە ١٨ی یۆلیۆی ١٩٩٤ بوی، ک ناوەند پاڵپشتیکردن ئیسرائیلی (ئەمیا) کردە ئامانج، و بویە هوکار کەفتن ٨٥ کوشیان و ٣٠٠ زەخمداری.
