ئیران هەڕەشەی بەسانن گەروو هورمز دەێد ئەگەر هەناردەکردن نەفت وڵاتەگەی وسیا

شەفەق نيوز/ مەسعود پزیشکیان سەرۆک ئیران، ئمڕوو یەکشەممە، هەڕەشەی بەسانن گەروو هورمز دا، کە وسانن چگن وزە لە خەلیج عەرەبیەو وەرەو دەیشت گڵووڵەی ناوچەگە و جیهان کەێد.

 پزیشکیان لە کۆڕبەند دیالۆگ تەهران وت: ئەگەر وزە لە خەلیج عەرەبیەو وەرەو دەیشت نەچوود، پەک گشتی کەفێد، لە دەسنیشانکردن قەیەغەی هەناردەیل نەفتی ئیران.

 پزیشکیان وتیش: لایەنەیلیگ هەن تەقەلا کەن ناکۆکی دروس بکەن ئارا ئاسانکردن هەناردەی وزەی ئیرانی وە هەر نرخیگ بویە، ئیجا زاڵەوبوین لەبان نەفت ئیران لەلاییگەو، و کلکردن چەک ئەرا لایەنەیل جەنگکەر لەلاییگ ترەک، کە جەنگ ناوەین برایەیل زیایەو کەێد.

گەروو هورمز یەکیگ لە گرنگترین ریە دەریایەیلە لە جیهان، کە ریژەی گەورەیگ لە نەفت هەناردەکریای وەرەو بازاڕەیل جیهانی وەپیەو رەد بوود، کە هیلێد هەڕەشەدان وە بەسیانی بوودە جی نیگەرانی ناودەوڵەتی.