ئیران داواکاری دەسگیرکردن تڕامپ وەتوومەت کوشتن سولەیمانی دەێدە «ئینتەرپوڵ»

شەفەق نیوز/ غوڵام حسێن ئیسماعیلی قسەکەر وەناو دەسەڵات دادوەری ئیرانی، ئمڕوو سێشەممە، راگەیان دادوەری داواکارییگ داگە دەس پۆلیس ناودەوڵەتی «ئینتەرپوڵ» ئەرا دەرکردن ئاگاداری سوور دژوە دۆناڵد تڕامپ سەرۆک ئەمریکا و کەسەیلیگ تر دەسیان هاناو کوشتن قاسم سولەیمانی.

ئیسماعیلی لە کۆنگرەیگ لەبان تووڕ ئەنتەرنێت وت: داواکاری ئیران وە دەرکردن ئاگاداری سوور دژوە تڕامپ وکەسەیلیگ تر لە بکوشەیل سولەیمانی دریا دەس ئینتەرنپوڵ.

وتیش؛ لە کارە تیرۆریەگە ک سولەیمانی و هاوڕیەگانی کردە ئامانج، لێکۆڵینەوەگە لەی باوەتە خاس وەڕیەو چگ، و دیرێد لە نۆێنەرایەتی گشتی ئیران تەواو بوود.

ئیسماعیلی وەگورەی ئاژانس خەوەری میزان، دیاریکرد ک لق تایبەت لە دادگای شۆڕشی لە ئیران ئەوەسا نووڕێدە ئی باوەتە لە کوشتن سولەیمانی و هاوڕیەگانی.