ئیران توومەت ئیسرائیل کەێد کە دەسی لەناو تەقینەوەی بەندەر رەجائی بویە
شەفەق نيوز/ محمد سراج پەرلەمانتار ئیرانی، ئمڕوو یەکشەممە، توومەتبار ئیسرائیل کرد کە دەسی لەناو تەقینەوەی بەندەر رەجائی لە شار بەندەر عەباس باشوور وڵات بویە، کە وت: ئەو کارە وەهویچ شیوەیگ تەنیا رویداویگ نەویە، و بەڵگەی ئاشکرا هەس کە دەس ئیسرائیل لەناوی بویە.
سراج لە دیداریگ وەرد سایتیگ خەوەری ئیرانی وت: هەناێ لە چوار شوین جیاجیا تەقینەوە بوود، مە یە مدووە لەبان ئەوە کە تەقەمەنیەیل وەرجەیە لەناو کەنتەرەیل نریانە، و ئاگر سروشتی نەویە.
وتیش: چشتەیل کیمیایی لە یەک خاڵەو سزیەن، نەک چەن تەقینەوەیگ وەیەکەو، ئی کانتەرەیلە یا لە وڵات سەرچەوە بومبیان نریاگە، یا لەڕیەگە، یا لەڕی ئەندامەیلیگ لەناو.
وتیش: هاتێ ئیسرائیل تەکنیک پیشکەفتگ وەکار هاوردیە، کە وت: شایەت ئی تەقینەوەیلە وە مانگ دەسکرد جیوەجی کریانە، یا چشتەیل وەختکریای لە دویرەو کۆنتڕۆڵ کریەن، وەخت رەسین کانتەرەیل ئەرا بەندەرەگە زانستنە تا زەرەدیگ گەورەتر بڕنەسێد، وەگورەی قسەیلی ئەرا سایت"ركنا".
لە وەڵام پرسیاریگ لەبان کاریگەری ئی رویداوە لەبان شیوەی وەڕیەوچکن دانوسەنینەیل، سراج دووپات کرد کە ئیسرائیل وە گشت شیوەیگ خوازێد ریگری لە پەیوەندییەیل ناودەوڵەتی ئیران بکەێدر ئی رویداو جویر بەشیگە لەو پیلانەیلە، وەلێ گەل ئیران خاس زانێد کە وەی کارەیلە نەخەڵەتێد، و ئی رویداوە کاریگەری لەبان شیوەی دانوسەنینەیل نەیاشتوود.
