ئەرا سێیەم رووژە.. جەنگ سەختیگ لەناوبین کورد و داعش لە دەورگرد زیندان غویران
2022-01-22T12:41:20+00:00
شەفەق نیوز/ ئەرا سێیەم رووژە پشتاوپشت، جەنگ ناوبەین جەنگاوەرەیلیگ لە ریخریاگ داعش و هێزەیل کورد لە باکوور خوەرئەڵات سوریا وەردەوامە، لەو وەختەگ داعش پەلامارەگەی لەبان زیندان غويران لە حەسەکە جیوەجی کرد، و بۊیە هووکار زیاتر لە هەفتا کوشیان.
وەڕیەوبەر رەوانگەی ماف مرۆڤ سوریا، رامی عەبدولڕەحمان دووپات کرد ک جەنگەگە بۊیە هووکار کوشیان ٢٨ ئەندام لە ئەندامەیل ئەمنیکورد، و ٤٥ لە داعش، وەگەرد ٥ مەدەنی، لە وەختیگ پەلامارەگە لەبان زیندان غويران دەسوەپی کردگە.
هێزە کوردەیلە تەقەلا دەن نەای ئەو پەلامارە بگەن ک گەورەترین پەلامارە لەلایەن داعش، لەوەختیگ لە ئادار ٢٠١٩ شکست هاوردگە.
هەسەدە نوای پەلامارەگە گرد، و هیمان تەقەکردن ناوبەین هەردوگ لایەنەگە هەس، ک کوشاین و زەخمداری لەلی بۊیەو، و دەیان لە زیندانییەل تۊەنستن بووان.
