دوياى سعوديه.. ئيمارات هاته ناو هاوپه‌يمان ناوده‌وه‌تى ئه‌را ئاسايش ده‌ريايى
2019-09-19T10:01:48+00:00
شه‌فه‌ق نيوز/ ئيمارات عه‌ره‌بى يه‌كگرتگ، بڕيار دا بايده ناو هاوپه‌يمان ناوده‌وڵه‌تى ئه‌را ئاسايش ده‌ريايى و سه‌ڵامه‌تى ريه‌يل ده‌رياوانى، جوور ئه‌وه‌گ له‌لايه‌ن وه‌زاره‌ت خارجى و هاريكارى ناوده‌وڵه‌تييه‌و ئاشكرا كريا.
ئاژانس هه‌واڵه‌يل ئيمارات له زووان سالم زه‌عابى وه‌ڕيه‌وبه‌ر ئداره‌ى هاريكارى ئه‌منى له وه‌زاره‌ت خارجيه وت: په‌يوه‌نديكردن ئيمارات وه‌ى هاوپه‌يمانى ناوده‌وڵه‌تيه ئامانج له‌لى پشتگيرى هه‌وڵه‌يل ناوده‌وڵه‌تى و هه‌رێميه ئه‌را روێ وه‌ڕوێ بوينه‌وه‌ى هه‌ڕه‌شه‌يل ده‌ريايى و بازرگانى جه‌هانى و ده‌سه‌وه‌ركردن ئاسايش وزه‌ى جه‌هانى.
جى باسه، زويتريش سعوديه هاته ناو ئى هاوپه‌يمانى ناوده‌وڵه‌تيه، جوور ئه‌وه‌گ سه‌رچه‌وه‌يگ وه‌رپرس له وه‌زاره‌ت وه‌رگرى ئاماژه وه‌پيكرد.
