دویەتیگ میسری باوگ و براگەی شکەنجەی دەن و سەری تاشن
2024-08-19T14:17:05+00:00
شەفەق نیوز/ میدیایل راگەیانن میسری و ماڵپەڕەیل سۆشیال میدیا، خەوەردان کە دویەتە خوەنەواریگ میسری کەفتە وەر تونەڕەوی خیزانی قیزەون وە کەس باوگ و براگەی، کە دەس لەلی وەشانە و شکەنجەی دانە و سەری تاشینە، لەبان ئەوە کە خوازیە رویپووشی بکەنێد.
عالیا نەبیل دویەتیگ هاوڕی قوربانیەگە چیرووکەگە وە وینە لەلان فەیسبووک بڵاو کرد کە سایت شکەنجە وەلەشیەو دیارە، کە مەردم ناو سۆشیال میدیا تویڕە کرد.
عالیا وت: دویەتەگە پەیوەندی وەپی کردگە تا لەدەس باوگ و براگەی قورتار بوود، کە کەفتیەسە وەر دەسوەشانن سەختیگ و چەن گلەیگ سەری دانەسە روی دیوار.
لەو وینەیلە دیارە کە پشتی کڕکڕەو بویە و سەر و باڵی زەخمدارە، بیجگە سەرتاشینی.
دویای چەن ساعەتیگ، عەلیا نویسان؛ دویەتەگە توەنستیە بواێد لە ماڵ، و خوەی رەسانڵ دەسەڵاتەیل ە سکاڵا توومار کرد.
