دیاریکردن زیاترین چین ک کەفێدە وەر تووشهاتن وەڤایرۆس کۆرۆنا
2020-09-04T09:20:04+00:00
شەفەق نیوز/ توێژینەوەی نوویگ رەسیە ئەوە ک پەیوەندیی هەس لەناوبەین کەمی لە ڤیتامین ''دی'' و تآشهاتن وە ڤایڕۆس کۆرۆنا، هەرچەن توێژینەوەکارەگان ئووشن ئەوەیش نیە ک لە وەرخوەر کەفتن مقەیەتیید لە ڤایڕۆسەگە کەێد.
تاوێژینەوەکارەیلیگ لە زانکۆی شیکاگۆ تاقیکردنەوەی ٤٣١٤ بیمارکردن ئەرا مینەی ڤایڕۆس کۆڕۆنا، ئیجا نووڕستنە ئەوانەگ پارەکە ئاستەیل ڤیتامین دی لەلیان تاقیکریاگە.
دەێڤید میلتەرز ئەرا رۆژنامەی دەیلی بێست وەت: ئەو کەسەیلە ک ئاست ڤیتامین دی لەلایان کەمە، و چارەسەری وەشیوەی خاسیگ نەکردن، وەئاست ٧٧ لەسەد فرەتر هەڵگر ڤایڕۆسەگە بوینە وەگورەی ئەوانەگ ئاستەگەیان خاس بویە.
توێژینەوەگە ئاماژەدەێد، ک دەور نیم دانیشتوەیل ئەمریکا زیان لە کەمبوین ڤیتامین دی وەخوەیان دوینن، بەڵکم کەمبویەگە فرەتر بڵاوە لەلای ئەوانەگ لە بنچینەی ئەفڕیقی یا لاتینیین، و دانیشتوەیل شارە باکووریەگان، و پیرەگان، وکارمەنەیل لە چین چەودیری تەندروسی، وئی چینەیلە فرەتریان تووشهاتگن وە ڤایڕۆسەگە.
