حزبولڵا کەسیگ لە شوین محمد عەفیف دانەێد

شەفەق نیوز/ یوسف ئەلزێن بویە وەڕیەوبەر پەیوەندییەیل راگەیانن لە حزبولڵای لوبنان، ئەوەیش لە شوین محمد عەفیف، دویای کوشیانی وەدەس ئیسرائیل، لە چوارچیوەی بەشەوکردن پۆستەیل ناو حزبەگە.

زێن وە ئەزموون راگەیانن فراوانی ناسیاس، کە وەرجەیە لە پۆست وەڕیەوبەر گشتی ئێزگەی نوور بوی، و بەشداری کرد لە گەشەپیدان کار راگەیانن و قایمکردن وتار وەرخودان، وەگورەی بەیاننامەیگ لەلایەن سایت "ليبانون ديبايت".

جی باسە کە محمد عەفیف وەرپرس پەیوەندییەیل راگەیانن لە حزبولڵا، وەرجە زیاتر لە مانگیگ، لە ئەنجام گورزیگ ئیسرائیل وەبان بارەگای ناوەندی حزب بەعس لە بەیروت کوشیا.