جەنگ غەززە یەک ملیۆن ئیسرائیل ناچار کەێد لەمانگ تەمموز

 وەگورەی نویسینگەی ناوەندی ئامار، لە ماوەی مانگ تەمموز ٢٠٢٤ نزیکەی ٩٤٥ هەزار هاووڵاتی ئیسرائیلی روی وەرەو دەیشت وڵات کردنە، لە وەختیگ لە ماوەی مانگ تەمموز ساڵ گوزەشتە نزیکەی یەک ملیۆن و ٢٠٠ هەزار هاووڵاتی ئیسرائیلی روی وەرەو دەیشت  وڵات کردنە.

 داتایل نویسینگەی ناوەندی ئامار دەرخەن لەناو ئەو کەسەیلە ئمساڵ وەرەو دەیشت وڵات چگنە، نزیکەی 853 هەزار کەس ئیسرائیلی وەڕی ئاسمانی دەرچگە، و 12.6 هەزار کەسیش وەڕی دەریایی چگەر لە وەختیگ نزیکەی 80 هەزار کەس لەی مانگە وەڕی هشکایی کەفتیەسە ری، لە ناویان 37.3 هەزار کەس لەڕی دەروازەی  سنووری تابا، لە وەختیگ ساڵ گوزەشتە لە مانگ تەمموز ٧٦.٣ کەس وە دەروازەی تەبا رەد بوینە.

 داتایل نشان دەن لەماوەی مانگ یەک تا تەمووز ئمساڵ نزیکەی 3.95 کەس چگەسە دەیشت وڵات، لە وەختیگ لە خود ماوەی ساڵ گوزەشتە نزیکەی 5.75 ملیۆن کەس بوین و لەناو ئەوانەگ ئمساڵ چگن، نزیکەی 3.52 ملیۆن کەس لە ری ئاسمانییەو چگە، و هەروەها 30.4  هەزار کەس لە ری دەریاوە، و ٣٩٩.٨ هەزار لە ری هشکایی.

 داتایل ئامار ناوەندی دووپات کەن کە لە ماوەی مانگەیل ئایار و تەمموز نزیکەی ٥٩٨.٧ هەزار کەس وەرەو دەیشت وڵات چگنە و یەیش زیایبوینە وەچەو مانگەیل وەرینر کە مانگانە ٤٩٥ کەس وڵاتەگە وەجی هیشتنە.

 داتایل ئاشکرا کەن، وەگەرد نزیکبوین ٧ ئۆکتۆبەر، شمارەی ئەو کەسەیلە ئیسرائیل وەجی هیلن، کەمیک داوەزیاس، لەماوەی مانگەیل ئایار تا تەمموز، ٥.٦٪ شمارەی ئەو کەسەیلە کە وەرەو دەیشت وڵات چن زیای کردگە، لە وەختیگ لە مانگەیل گوزەشتە، گشت مانگیگ وە رێژەی ١٤% زیایبوین بویە.

 سەرچەوە: ڕۆیتەرز