جەنگاوەرەیل ڤاگنەر کۆنترۆڵ دامەزراوە سەربازییەیلیگ کەن وە دویری ٥٠٠ کم لە مۆسکۆ
یەیش لە وەختیگ کە وەزارەن وەرگری رووسیا داوا لە چەنگاوەرەیل گروپ "ڤاگنەر" کرد کە نەکەفنە ناو سەرگەرمیی "تاوانبارانە" وە سەرۆکایەتی دامەزرێنەر "ڤاگنەر"، و وەکوتپر پەیوەندی وە خزمەتگوزارییە ئەمنییەیل بکەن ئەرا دڵنیابوین لە سەلامەتی خوەیان .
لە پەیامیگ ئەرا جەنگاوەرەیل "ڤاگنەر"، وەزارەت وەرگری رووسیا وت: "ئیوە لە سەرگەرمییە تاوانکارییەگەی پریگۆژین خەڵەتیاینە، تا ئیوە وەرەو ناو یاخیبوینیگ چەکداری بکیشن، ئیمە هاوکاریمان پیشکەش وە بڕیگ لە هەڤاڵەیلدان کردیمنە تا دڵنیا بوون لە گلەوخواردنیان وە بیوەی ئەرا خاڵەیل جیگیرکردنیان."
لە پیشهات نوویگ، سێرگی سۆبیانین، سەرۆک شارەوانی مۆسکۆ، تونکردن ریکارە ئەمنییەیل و سەختکردن ریکارەیل دژە تیرۆر لە شارەگەدا راگەیان، یەیش جویر مەزەنەیگ ئەرا هەر رەوشیگ لەناکاو، دویای ئەوەگ دامەزرێنەر ڤاگنەر داوای یاخیبوین چەکداری کرد.
سۆبیانین وتیش: ریکارەیل خوازیاگ ئەرا نواگیری تیرۆر لە مۆسکۆ و قایمکردن ریکارەیل ئەمنی و تونکردن کۆنترۆڵی ریوبان جیوەجی کریەێد، و هاتێ ڕێکخستن گردەوبوین جەماوەری سنووردار بکریەێد، وە ئومید فامستن رەفتار وەگەرد ئەو ریکارەیلە.
