"تويته‌ر" هساوه‌يل عه‌لى خامه‌نه‌يى رابه‌ر ئيرانى داخست
2020-03-31T13:12:37+00:00
شه‌فه‌ق نيوز/ هووكاره‌يل ره‌سانن عه‌ره‌بى، باس له‌وه كردن ئمڕوو تووڕ په‌يوه‌ندى كۆمه‌ڵايه‌تى "تويته‌ر" چه‌ن هساوه‌يليگ عه‌لى خامه‌نه‌يى رابه‌ر شووڕش ئيرانى به‌ساگه، وه‌بى باسكردن هووكاره‌يل و ده‌ركردن هه‌ر به‌يانيگ فه‌رمى.
وه‌گووره‌ى ئه‌و سه‌رچه‌وه‌يله، ره‌سين ئه‌را لاپه‌ڕه‌يل عه‌لى خامه‌نيى رابه‌ر ئيرانى له‌بان تويته‌ر وه زووانه‌يل ئنگليزى و عه‌ره‌بى و فارسى و ئۆردو به‌سياگه.
سه‌رچه‌وه‌يل يه‌يش ده‌رخستن ك دوياى چه‌ن وه‌ختيگ هساوه‌يل خامه‌نيى وه هه‌ردوگ زووان ئنگليزى و فارسى كريانه‌سه‌و، وه‌لێ باقى زووانه‌يل تر هيمان داخريانه.
