تووفان سه‌ختيگ له ئه‌سته‌مبوڵ شماريگ مه‌ردم زه‌خمدار كرد
2017-07-28T10:55:00+00:00
شه‌فه‌ق نيوز/ هووكاره‌يل ره‌سانن ناوچه‌يى توركێ ئاشكراێ ئه‌وه كردن ك وه‌لاى كه‌مه‌و ده كه‌س زه‌خمدار بوينه، ك دووان له‌ليان حاڵه‌تيان خه‌ته‌ره له ئاكام تووفانيگ له شار ئه‌سته‌مبوڵ وه‌ل كڕيوه‌ێ سه‌رد و ته‌گره‌يليگ چه‌نه تووپيگ غۆڵف.
ئه‌و تووفانه ك ئه‌را ماوه‌ێ 20 ده‌قه وه‌رده‌وام بوێ، بويه هووكار په‌كخستن هاتوچووكردن و روێداگ سه‌يلاو و نوقمكردن سه‌ياره له بڕيگ جاده‌ێ ئه‌سته‌مبوڵ.
جى باسه، ئاژانس هه‌واڵه‌يل ئه‌نادۆڵيش باس له‌وه كرد 16 ته‌ياره‌يش ك خواستنه بان وه‌ره‌و ته‌ياره‌خانه‌ێ ئه‌تاتورك له شاره‌گه، ريڕه‌ويان ئاڵشت كردنه وه‌ره‌و شوونه‌يل تر.
