تونس.. (خەونیگ) تاوانیگ 23 ساڵە ئاشکراکەێد
شەفەق نیوز/ دویای ڕەدبوین 23 ساڵ وەبان دیارنەمان گەنجیگ تونسی کە وەپای قسەی خێزانەگەی لە دەریای چەرمگ خنکیاس لەوەخت تەقەلاداین کووچکردن ئەرا ئەوروپا، راسی ئاشکرابوی و دەرچگە وەبان دەس براگەی کوشیاس وە ئامادەبوین داڵگی.
تاوانەگە لە شارۆچکەی سەبیخە لە پارێزگای قەیرەوان ناوڕاس تونس رویدایە، هنای برایگ براگەی کە بویچگترە لەخوەی (تەمەی 17) ساڵە کوشێد لە ساڵ 2001 لەری چەقوو لەوەر گیچەڵ خێزانی. لە.
وە دەسمیەتیدان داڵگەگە کۆتایی وە تاوانەگە هات و دەسمیەتی دەێد لە قورتاربوین لە تەرمەگەی و وەچاڵنانی لەژیر مەتوەق ماڵەگە، و لەدویای راگەیاندیە کوڕەگەی لەوەخت تەقەلاداین ئەرا کوچیگ نایاسایی خنکیایە.
.
لە دویای چەن ساڵیگ لە رویدانی، کڕ تاوانەگە ئاشکرابوی، هنای تاوانبار دەسکەێدە قسەکردن لە وەخت خەو و هیلێد ژنەگەی گومان بکەێد.
بکوشەگە دان وە هویردەکاری تاوانەگە ئەرا ژنەگەی دانەێد، خەوەرداری لەو نهێنیەکەێد کە بان 20سااڵە مقیەتی بویە.
باوجی لەناوکاو، ژنەگەی لە یەکەم گیچەڵ ناوەینیان، رویکردنە بنکەی ئاسایش هەڵوژێرێد و خەوەرداریان کەێد شویەگەی براگەی خ،ەی کوشتیە و لەژیر مەدوەق ماڵ چاڵیکردیە.
وە چگنە شوین لە چاڵداناان قوربانیەگە، دەسکریا وە هەڵکەنین تەرمەگە وە کوشیاگی دراوریا و پیاگە و داڵگی دەسگیرکریان.
