توركيا: ئۆرپا ناتويه‌نێد ده‌س له ئيمه هه‌ڵگرێد
2018-12-11T18:14:00+00:00
شه‌فه‌ق نيوز/ سليمان سوێلۆ وه‌زير ناوخوه‌يى توركى جه‌خت له‌وه كرد ك كشوه‌ر ئۆرپى ناتويه‌نێد ده‌س له توركيا هه‌ڵگرێد له‌وه‌ر ئه‌و هه‌وڵه‌يله ك ئه‌ياده له دژ كووچكردن ناياسايى و مادده‌يل هووشبه‌ر و تيرۆر.
سوێلۆ له كۆنگره‌يگ رووژنامه‌گه‌رى وت: ئيمه نه‌ك هه‌ر دژ كووچكردن ناياسايى وسيه‌يم وه ته‌نيا، به‌ڵكوو دژ تيرۆريش وسيايمنه‌و ده‌وڵه‌تيگيم مقه‌يه‌تيكه‌ر ئه‌را ئۆرپا له مادده‌يل هووشبه‌ر و هه‌ر وه‌گووره‌ى ئى سفه‌ته‌يليشه ئۆرپا ناتويه‌نێد ده‌س له توركيا هه‌ڵگرێد.
وه‌زير ناوخوه‌يى توركيا هه‌ميش وت: پيشكه‌ش نه‌كردن ده‌سميه‌ته‌يل ئنسانى رێك وپێك ئه‌را وڵاته‌يل هه‌نارده‌كه‌ر كووچكه‌ره‌يل ئاژاوه له ده‌وڵه‌ته‌يل ئۆرپى دروس ئه‌كا ك حكومه‌ته‌يليان له بنه‌ڕه‌ته‌و تويش قه‌يران ئه‌يه‌ن.
